وەفدی تەکنیکی یەکێتی و پارتی لە هەولێر کۆبووە

ئەمڕۆ وەفدی هەریەک لە (ی.ن.ک) و پارتی دیموکراتی کوردستان لە بارەگای مەکتەبی سیاسی یەکێتی لە شاری هەولێر کۆبوونەوە و بەگوێرەی زانیارییەکان باسی دابەشکردنی پۆستەکانیان نەکردووە و تەنیا بەرنامەیەکی هاوبەشی یەکێتی و پارتییان بۆ کابینەی دەیەمی حکوومەتی هەرێمی کوردستان ئامادەکردووە.
هەر لە كۆبونەوەكەدا گفتوگۆ لەسەر تێڕوانیی چوار ساڵی داهاتووی حكومەتی هەرێم كراوە.
بڕیارە سبەینێ‌ بەجیا یەكێتی و پارتی كۆبوونەوەی خۆیان بكەن، لەسەر داواكارییەكانی یەكتری بۆ پێكهێنانی حكومەت، رۆژی پێنجشەممەش جارێكی تر لیژنەی باڵای دانوستان لە هەولێر كۆدەبنەوە.
ئەوەش لە كاتێكدایە پێشتر وەفدی یەكێتیی نیشتمانیی كوردستان و پارتی دیموكراتی كوردستان لە 30ی 11ی 2024 لە سلێمانی و 17ی 12ی 2024 لە هەولێر كۆبونەوە، بۆ دەستپێكردنی گفتوگۆكان لەسەر پێكهێنانی كابینەی دەیەمی حكومەتی هەرێم.