ئێران خانمه‌ رۆژنامه‌نووسه‌ ئیتاڵیاییه‌كه‌ی ئازادكرد

به‌پێی راگه‌یه‌ندراوێكی نوسینگەی سەرۆک وەزیرانی ئیتاڵیا، ده‌سه‌ڵاتدارانی ئێران (سیسیلیا سالا) خانمه‌ ڕۆژنامەنوسی ئیتاڵیایی كه‌ له‌ كۆتایی مانگی رابردووی ساڵی پار له‌لایه‌ن هێزه‌ ئه‌منییه‌كانی ئه‌و وڵاته‌وه‌ دەستگیرکرابو ئازادكرد.

ئه‌مڕۆ چوارشه‌ممه‌ 8ی كانونی دووه‌می 2025 نوسینگەی جۆرجیا مێلۆنی، سەرۆک وەزیرانی ئیتاڵیا ڕایگه‌یاندووه‌: " به‌ هه‌وڵ و كاری چڕی دیبلۆماسی و هه‌واڵگریی و خانمه‌ ڕۆژنامەنووس (سیسیلیا سالا) به‌ره‌و ئیتاڵیا ئێرانی جێهێشت."
  
وەزارەتی دەرەوەی ئیتاڵیا هه‌فته‌ی ڕابردو بانگهێشتی باڵیۆزی ئێرانی لە ڕۆما کردو داوای ئازادکردنی دەستبەجێی ڕۆژنامەنوس سیسیلیا سالای كرد، کە لە 19ی 12ی 2024  لە تاران ده‌ستگیركرا.