ئەمڕۆ و سبەینێ، وه‌فده‌كه‌ی ئیمراڵی سه‌ردانی گرتووخانە ده‌كات و بە جیا لەگەڵ هەریەک لە سەڵاحەدین دەمیرتاش و فیگەن یوکسەکداغ هاوسەرۆکانی پێشووتری هەدەپە، کۆدەبێتەوە.
نوسینگەی پارتی دیموكراتی و یه‌كسانی (دەم پارتی) رایگەیاند:" ئەمڕۆ شەممە 11ـی کانوونی دووەمی 2025 وه‌فدی ئیمراڵی سەردانی گرتووخانەی ئەدیرنە دەکات و لەگەڵ هه‌ریه‌ك له سەڵاحەدین دەمیرتاش و سبەینێش یەکشەممە 12ـی کانوونی دووەم، لە گرتووخانەی کاندرا لە پارێزگای کۆجائەلی لەگەڵ فیگەن یوکسەکداغ کۆدەبێتەوە".
وه‌فدەکەی ده‌م پارتی كه له هه‌ریه‌ك له پەروین بوڵدان و سڕی سورەییا ئۆندەر و ئه‌حمه‌د تورك پێكهاتووه سەردانی ئیمراڵییان کردو بۆ ماوەی سێ سه‌عات لەگەڵ عەبدوڵا ئۆجەلان، رێبەری زیندانییکراوی پەکەکە كۆبوونه‌وه.
وه‌فدی ده‌م پارتی بۆ ئیمراڵی، لەسەر راسپاردەی عەبدوڵا ئۆجەلان، زنجیریه‌ك دیدار و کۆبوونەوەی لەگەڵ پارت و لایه‌نه سیاسییەکانی توركیا ئەنجامداوه، هەر لەسەر داوای ئۆجەلان، وه‌فدەکە سەردانی سه‌ركرده زیندانییه‌كانی كورد لە نێویاندا دەمیرتاش، یوکسەکداغ و لەیلا گوڤەن دەکات.
Copyright © 2020 Kirkuk Tv All Rights Reserved Designed And Developed By AVESTA GROUP