سبەینێ‌ ئەنجومەنی نوێنەران یەکەم کۆبوونەوەی ئەمساڵ ئەنجام دەدات

بڕیارە سبەینێ‌ 12/1/2025 ئەنجومەنی نوێنەرانی عیراق، یەکەم کۆبوونەوەی ئەمساڵ بۆ هەمواركردنەوەی یاسای تەمەنی خانەنشینی كە لە 60 ساڵەوە بكرێتەوە بە 63 ساڵ ئەنجام بدات و بەپێی كارنامەی پەرلەمانیش خوێندنەوەی یەكەم بۆ پێشنیازی هەمواركردنەوەی یاسای خانەنشینی دەكرێت.
هەروەک لە کارنامەکەدا هاتووە لەدانیشتنەکەدا خوێندنەوەی یەكەم بۆ پرۆژە یاسای رێكخستنەوەی خزمەتگوارییەكان دەكرێت، هەروەها بڕیارە رۆژی دووشەممەش 13-1-2025 ئەنجومەنی نوێنەران كۆببێتەوە بۆ گفتوگۆكردن و خوێندنەوەی چەند پرۆژەیاسایەك، بەپێی كارنامەكەش یەكێك لە تەوەرەكان گفتوگۆكردن و خوێندنەوەی دووەم دەبێت بۆ پرۆژە هەمواری یاسای بودجە بۆ ساڵی 2023 و 2024 و 2025.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق  رایگەیاند: خاڵی سەرەكیی هەموارەكە تایبەتە بە تەمەنی خانەنشینی و پێشنیازەكە بۆ ئەوەیە تەمەنی خانەنشین بوونی فەرمانبەران لە كەرتی گشتی بكرێتەوە بە 63 ساڵ كە ئێستا بەهۆی هەمواری یەكەمی یاساكە لە ساڵی 2019 كراوەتە 60 ساڵ".