ترەمپ پێشنیارى گواستنەوەى دانیشتوانى غەززە بۆ وڵاتانى دراوسێ دەکات

دۆناڵد ترەمپ، سەرۆکى ئەمەریکا رایگەیاند: پێشنیار دەکەم فەڵەستینییەکان لە کەرتى غەززەوە بگوازنەوە بۆ بەشێک لە وڵاتە عەرەبییەکان
ئاماژەى بۆ ئەوەشکردوە کە پێویستە میسر و ئوردن پێشوازى لە ژمارەیەکى زۆرتر لە فەڵەستینییەکان بکەن، چونکە کەرتەکە بەتەواوەتى وێران بوە و لە دۆخێکى نالەباردایە.
سەرۆکى ئەمەریکا ئەوەشىخستوەتەڕو کە پێویستە وڵاتە عەرەبییەکان وێرانبونى غەززە لەبەرچاو بگرن و بەشدار بن لە ئاوەدانکردنەوەیاندا بۆئەوەى خەڵکەکەى ئیتر بتوانن بە ئاشتى تێیدا بژین.
لەبارەى یەکەم سەردانیشییەوە وەک سەرۆکى ئەمەریکا ترەمپ ئەوەى ئاشکرا کردوە کە رەنگە ئەمجارە نەریتى چون بۆ بەریتانیا وەک یەکەم وڵات بشکێنێت و سەردانى سعودیە بکات.