گوڵستان ئەحمەد سەرۆكی لیژنەی هاوبەشی سایلۆ و ئاشەكان لە كانتۆنی فورات رایگەیاند: بڕی 500 تۆن گەنم بەهۆی هێرشەكانی توركیاوە لە شارۆچكەی سڕین لە باشوری كۆبانێ لەناوچوون.
وتیشی: هێرشەكان لە 29ی شوباتی رابردوو لە رێی فڕۆكەی جەنگی و فڕۆكەی بێفڕۆكەوانەوە كراوەتەسەر سایلۆكە و بەهۆیەوە زیانی زۆری پێگەیاندووە.
سەرۆكی لیژنەی هاوبەشی سایلۆ و ئاشەكان دەشڵێت: توركیا كەرتە خزمەتگوزاریی و زیندووەكان لە رۆژئاوای كوردستان دەكاتە ئامانج، لەنێوشیاندا سایلۆكان كە بە مەبەست لە سێ مانگی رابردوودا چەندین جار دووبارەی كردووەتەوە.
باسیلەوەشکرد: جگە لەوە دامەزراوەكانی كارەبا و ئاو و پرۆژە خزمەتگوزارییەكانی تر هێرشیانكراوەتەسەر بە ئامانجی ئاوارەكردنی دانیشتوانی ناوچەكان.
Copyright © 2020 Kirkuk Tv All Rights Reserved Designed And Developed By AVESTA GROUP