لە رۆژی سوێندخواردنی ترەمپەوە تاوەکو ئەمڕۆ نرخی نەوت 6% دابەزیوە

لە رۆژی سوێندخواردنی دۆناڵد ترەمپەوە وەک سەرۆکی نوێی ئەمریکا، تاوەکو ئەمڕۆ نرخی نەوت لە دابەزین بەردەوامە و زیاتر لەسەدا شەشی بەهاکەی لەدەستداوە.
لە رۆژی سوێندخواردنی ترەمپدا، نرخی یەک بەرمیل نەوتی خاوی برێنت بە 8١ دۆلار و 34 سەنت بوو، ئەمڕۆ نرخەکەی بۆ 76 دۆلار و 33 سەنت دابەزیوە.
بەگوێرەی ماڵپەری ئینڤێستینگ، هۆکاری سەرەکیی دابەزینی نرخی نەوت، سیاسەتەکانی دۆناڵد ترەمپە، لەکاتێکدا هەر رۆژەی باجی گومرگیی سەر هاوردەی کاڵای وڵاتێک بەرزدەکاتەوە و دەشڵێت، ئاستی بەرهەمهێنانی نەوتی وڵاتەکەی بەرزدەکاتەوە و هاوردەکردنی کەمدەکاتەوە، ئەوەش ناسەقامگیری لە بازاڕدا دروستکردووە، هەروەها دووبارە دابەزینی ئاستی پیشەسازی و تێکڕای بەرهەمی ناوخۆی چین هۆکارێکی دیکەی دابەزینی نرخی نەوتە.