زریانی گارنس لە فەڕەنسا مردن و ئاواربوونی لێکەوتەوە

بەهۆی زریانی "گارنس"ەوە، چوار كەس لە فەرەنسا گیانیان لەدەستداو هەزاران خێزانیش بێ ئاوو کارەبابوونە.
ئاژانسی هەواڵی فرانس پرێس بڵاویكردەوە، لە رۆژی هەینیەوە زریانی بەهێزی "گارنس" رووی لە دورگەی لارینیۆنی فەرەنسا كردووەو بەهۆیەوە خێرایی با بۆ 155 كیلۆمەتر لە سەعاتێكدا بەرزبووەتەوە.
ئاماژە بەوەشکراوە، لە ئەنجامی زریانەكەو ئەو رووداوانەی روویانداوە، تا ئێستا 4 كەس گیانیان لەدەستداوەو  953 كەسیش ماڵ و حاڵی خۆیان بەجێهێشتووە و لە ناوەندەكانی داڵدەداندا ماونەتەوە.
هەروەها بەهۆی زریانەكەوە 160 هەزار خێزان بێ كارەبا و 310 هەزار ماڵیش بێ ئاو بوون .