ئەمڕۆ کۆبوونەوەی لوتکەی نائاسایی عەرەبی لە قاهیرە بە بەشداری وڵاتانی ئەندام لە کۆمکاری عەرەبی بەڕێوەدەچێت و تێیدا سێ تەوەر لەسەر دۆخی کەرتی غەززە و ئاوەدانکردنەوەی تاوتوێدەکرێت .
بەپێی میدیاکان لە کۆبوونەوەی لوتکەی عەرەبیدا، سێ تەوەر باس دەکرێت، کە بریتین لە بەردەوامبوون لە قۆناغی دووەمی ئاگربەستی جەنگی غەززە و کشانەوەی سوپای ئیسرائیل لە کەرتى غەززە، هەروەها تاوتوێی پێشنیازێکی میسر دەکرێت کە تایبەتە بە
ئاوەدانکردنەوەی غەزە و پێکهێنانی لیژنەیەک لە پێکهاتەکانی فەڵەستین بۆ بەڕێوەبردنی غەززە، ئەمە جگە لەوەی باس لە چارەسەری هەمیشەیی پرسی فەڵەستین و دروستبوونی دەوڵەتی فەڵەستین دەکەن، کە پایتەختەکەی قودسی رۆژهەڵات بێت.
هاوکات لە لووتکەدا ڕاگواستنی دانیشتوانی غەززە ڕەتدەکرێتەوەو
رێگەشــنادەن هیچ ناوچەیەکی فەڵەستین بە ئیسرائیلەوە بـلـکێندرێت.
Copyright © 2020 Kirkuk Tv All Rights Reserved Designed And Developed By AVESTA GROUP