سەرۆک کۆمار: پێویستە پابەندبوونی راستەقینە بە رێككەوتنی ئاگربەست لە غەززە هەبێت

لە پەراوێزی كۆبوونەوەكانی لوتكەی عەرەبی لە قاهیرە، د. لەتیف رەشید سەرۆك كۆماری عیراق، لەگەڵ مەحمود عەباس سەرۆكی دەسەڵاتی فەڵەستین كۆبووەوەو لە دیدارێكدا هەڵوێستی عیراقی لەبارەی پرسی فەڵەستین و پەرەپێدانی كاری هاوبەش و پشتیوانیكردنی دۆزی فەلەستینیەكان دووپاتكردەوە.
هەروەها سەرۆك كۆمار جەختیكردەوە لەسەر پێویستیی پشتیوانیكردنی فەڵەستین بۆ ڕوبەڕوبوونەوەی ئەو پیلانانەی دەبنە مایەی ئاوارەبوونی فەڵەستینییەكان و دەربەدەربوونیان بۆ ناوچەكانی دیكەو داگیركردنی زەوییەكانیان.
هاوكات لە بەشێكی تردا سەرۆك كۆمار جەختیكردەوە لەسەر پێویستیی پابەندبوونی ڕاستەقینە بە ڕێككەوتنی ئاگربەست لە غەززەو ڕێگەدان بە گەیاندنی یارمەتی مرۆیی و پزیشكی و خۆراك بە هاووڵاتییان بەشێوەیەك كە پێداویستییەكانیان مسۆگەربكات.