دۆناڵد ترەمپ سەرۆکی ئەمریکا لە یەكەمین لێدوانیدا پاش وەرگرتنی پۆستی سەرۆكایەتیی ئەمریكا و لەبەردەم كۆنگرێسی وڵاتەكەی رایگەیاند، ئەمریكا گەڕاوەتەوە و بەرەو لوتكە هەڵدەكشێت و لە ئێستاشدا كار بۆ چاككردنەوەی ئیدارە خراپەکەی بایدن دەكەن.
وتیشی، “ئەمریكا-مان بەهێزكردەوەو لە ئێستاشدا بەرەو لوتكەی دەبەین، ئەوەی ئیدارەكەم لەماوەی 43 رۆژدا ئەنجامیدا هیچ سەرۆكێك نەیتوانیوە ئەنجامی بدات”.
هەر کە ترەمپ دەستیکرد بە پێشکەشکردنی وتارەکەی کرد ژمارەیەک پەرلەمانتاری دیموکراتەکان دەستیان کرد به هاواركردن و هه‌وڵدان بۆ بڕینی قسه‌كانی و به ده‌نگی به‌رز هاواریان ده‌كرد "قسەی زل".
کاتێک ئەو هاوارانە بەردەوامبوون، سەرۆکی ئەنجومەنی نوێنەران هەڕەشەی ئەوەی کرد کە ئەو کەسانەی دەستیان پێکردوون لە هۆڵەکە ده‌رده‌كات ئەگەر ڕێگریان لێنەکرێت، به‌ڵام دوای ئه‌وه‌ی دۆخه‌كه به‌رده‌وام بو، مایک جۆنسۆن سەرۆکی ئەنجومەنی نوێنەران، دیموکرات ئەل گرینی لە ژوری ئەنجومەنی نوێنەران ده‌ركرد.
Copyright © 2020 Kirkuk Tv All Rights Reserved Designed And Developed By AVESTA GROUP