هاكان فیدان له‌گه‌ڵ راكان جبوری و حه‌سه‌ن تۆران و خالد مه‌فره‌جی كۆبووه‌وه‌

جیهان
19:33 - 2025-03-05



هاکان فیدان وەزیری دەرەوەی تورکیا لە ئەنقەرە لەگەڵ راكان جبوری، پارێزگاری پێشووی کەرکوک به‌ وه‌كاله‌ت، حه‌سه‌ن تۆران سه‌رۆكی به‌ره‌ی توركمانی، خالید مەفرەجی، سەرکردە لە هاوپەیمانیی سیادە کۆبووەوە.

به‌پێی راگه‌یه‌ندراوێكی وەزارەتی دەرەوەی تورکیا، هاکان فیدان لە ئەنقەرە پێشوازیی لە حەسەن تۆران کردووە، بەڵام زانیاری لەبارەی ناوەڕۆکی کۆبوونەوەکەوە باسنەکراوە.

هاوکات خالید مەفرەجی لە راگەیەندراوێکدا دەڵێت، لە کۆبوونەوەکەدا لەگەڵ وەزیری دەرەوەی تورکیا، باسیان لە دۆخی ئەمنیی عێراق بەگشتیی و کەرکوک بە تایبەتی و بەهێزکردنی پەیوەندیی نێوان هەردوو وڵات کردووە.

بەگوێرەی راگەیەندراوەکە، وەزیری دەرەوەی تورکیا، پابەندبوونی وڵاتەکەی بە یەکپارچەیی خاکی عێراق و بەرقەراربوونی سەقامگیریی دووپاتکردووەتەوە.

بەرەی تورکمانی عێراق کە حەسەن تۆران سەرۆکایەتیی دەکات و هاوپەیمانی عەرەبی، کە راکان جبوری سەرۆکایەتیی دەکات، ئێستا خاوەنی چوار کورسین و بایکۆتی ئیدارەی خۆجێی کەرکوکیان کردووە.
 

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP