عیراق دوو هەزار سەر مەڕی نەخۆش بۆ ئوردن دەگەڕێنێتەوە

جیهان
21:12 - 2025-03-06

دوو هەزار سەڕ مەڕ لە یەکێک لە دەروازە سنوورییەکانی عێراقەوە دەگەڕێنرێتەوە بۆ ئوردن، لە دوای ئەوەی پشکنینیان بۆ کراوە و دەرکەوتووە نەخۆشن.

عەلائەدین قەیسی، وتەبێژی دەستەی دەروازە سنوورییەکانی عێراق رایگەیاند: دوو هەزار مەڕی ئوردنی، لەلایەن کارمەندانی ڤێرتەرنەرییەوە پشکنینیان بۆ کراوە و دەرکەوتووە کە نەخۆشن و بۆ سەربڕین و خواردن شیاو نین، بۆیە لە دەروازەی سنووریی ترێبل لە نێوان پارێزگای ئەنبار و ئوردنەوە گەڕێنراوەتەوە.

بە پێی ڕێنماییەکان هەر ئاژەڵێک لە دەروازە سنوورییەکانەوە هاوردە بکرێت، لەلایەن ڤێرتەرنەریییەوە پشکنینی بۆ دەکرێت و دواتر 21 رۆژ چاوەڕێی ئەنجامی پشکنینەکە دەکرێت ئینجا دەهێنرێتە وڵاتەوە.

گەڕانەوەی ئەو دوو هەزار سەر مەڕە بۆ ئوردن لەکاتێکدایە، عێراق رێوشوێنی بۆ سنووردارکردنی بڵاوبوونەوەی نەخۆشیی تەبەق گرتووەتەبەر و گواستنەوەی مەڕوماڵاتی لە نێوان چەند پاریزگایەکدا قەدەغە کردووە.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP