یەکێتیی ئەوروپا پڕۆژەیەکی 800 ملیار دۆلاری پێشنیار دەکات

بۆ بەهێزکردنەوەی سیستەمی بەرگریی ئەوروپا، یەکێتیی ئەوروپا پێشنیازی پڕۆژەیەکی 800 ملیار دۆلاری دەکات.

ماڵپەڕە جیهانییەکان بڵاویانکردووەتەوە، ئورسولا ڤۆن دێرلاین، سەرۆکی کۆمسیۆنی یەکێتیی ئەوروپا پێشنیاری جێبەجێکردنی پڕۆژەیەک بە بەهای 800 ملیار دۆلار دەکات، تایبەت بە بەهێزکردنی سیستەمی بەرگریی وڵاتانی ئەوروپا بە گشتیی و ئەندامانی یەکێتییەکە بە تایبەتی.

ئاماژەیان بەوەشداوە، پڕۆژەکە بە بەناونیشانی “بەهێزکردنەوەی ئەوروپا” راگەیەندراوە و لە وردەکارییەکەیدا داواکراوە کە بە بەهای 800 ملیار دۆلار هەماهەنگی سەربازیی و بەهێزکردنەوەی سیستەمی بەرگری لەنێوان وڵاتانی ئەوروپادا بکرێت، بۆ ئەو مەبەستەش ڤۆن دێرلاین پەیوەندیی بە سەرۆکی وڵاتانی ئەندامەوە کردووە و داوای کردووە رەزامەندبن لەسەر جێبەجێکردنی پڕۆژەکە.

ئەوەشیان خستووەتەڕوو، ئامانجی پڕۆژەکە بریتییە لە بەهێزکردنەوەی سیستەمی بەرگری و کەرتی سەربازیی لە ئەوروپادا، تاوەکو لە مەترسییەکانی جەنگ پارێزراوبن.