ئه‌مڕۆ یادی ٣٤ ساڵه‌ی راپه‌ڕینی قه‌زای به‌رده‌ره‌شه كه دوابه‌دوای شارو شارۆچكه‌كانی تری كوردستان خه‌ڵكی ئه‌و قه‌زایه‌ش به‌رگه‌ی زوڵم و سته‌م و كۆمه‌ڵكوژی رژێمی به‌عسی رووخاویان نه‌گرتوو راپهڕین، هاوکات راپەڕینی ئاکرێ بوو بە دەروازەی رزگارکردنی دەڤەری بادینان.
(ی.ن.ک) ئه‌ندازیار و پلاندانه‌ری راپهڕین بوو، چونكه پێش راپهڕین له‌سه‌ر داوای یه‌كێتی بەرەى كوردستانیی پێكهێنراو راپهڕین ده‌ستیپێكرد، له‌رێی رێكخستنه‌كانی ناوشاریشه‌وه ئاماده‌كاری ته‌واوی كرد بۆ راپه‌رین له سه‌عاتی سفرداو ئێزگه‌ی ده‌نگی گه‌لی كوردستانیش سه‌رچاوه‌ی گه‌یاندنی كۆده‌كانی راپهڕین بوو، بۆیه شانه‌چه‌كداره‌كان به كردنه‌وه‌ی كۆده‌كانیان هه‌ڵمه‌ته‌كانیان ده‌ستپێكردو راپهڕین سه‌ریهه‌ڵدا.
Copyright © 2020 Kirkuk Tv All Rights Reserved Designed And Developed By AVESTA GROUP