راوێژکاری سودانی: بانکی ناوەندیی عیراق لەگەڵ یەدەگی فیدراڵی ئەمریکا هاوئاهەنگە

راوێژکارێکی سودانی دەڵێت، بانکی ناوەندیی عێراق، پارەیەکی زۆری زیادەی بودجەی لەبەردەستە کە بەشی هاوردەی دوو ساڵی عێراق دەکات.
محەمەد نەجار، راوێژکاری سەرۆکوەزیرانی عێراق بۆ وەبەرهێنان بە ئاژانسی هەواڵی عیراقی راگەیاندووە، بانکی ناوەندیی عێراق هەماهەنگیی باشی لەگەڵ یەدەگی فیدراڵی ئەمریکا هەیە، ئێستا حکومەت ئەو چاکسازییە بانکییانە جێبەجێ دەکات، کە لەنێوان واشنتن و بەغداد رێککەوتنی لەسەر کراوە.
هەروەها دەڵێت، ئەمریکا بەشێوەیەکی زۆر ئەرێنی مامەڵە لەگەڵ عێراق دەکات و هەمووانیش هەوڵی پاراستنی عێراق دەدەن، لەبەرئەوەی لە بەرژەوەندیی ئەمریکا نییە عێراق بکەوێتە قەیرانەوە.