پەرلەمانتارێکی یەکێتی: 30 هەزار نەمام لە هەڵەبجەی شەهید دەچێندرێت

لەسەر داوای ئەندامێكی فراكسیۆنی یەكێتی لە ئەنجوومەنی نوێنەرانی عیراق، 30 هەزار نەمام لە هەڵەبجەی شەهید دەچێندرێت.

چرۆ حەمەشەریف ئەندامی فراكسیۆنی یەكێتی لە ئەنجوومەنی نوێنەرانی عیراق راگەیاند: لەسەر داوای فراکسیۆنی یەکێتی و لەلایەن وەزیری ژینگەی عیراقەوە، بڕی 30 هەزار نەمام گەیەندرانە هەڵەبجە و بڕیارە لەناو سەنتەری پارێزگاكە و دەوروبەری بڕوێندرێن.

وتیشی: بەشێك لە نەمامەكان بەردارن بۆ ئەوەی هاووڵاتییان سوودی لێببینن و بەشێكی دیكەشیان نەمامی رازاندنەوەن و تەمەنیشیان بۆ رواندن و گەشەكردن گونجاوە.

هاوكات هەر ئەمڕۆ، پڕۆژەی دەروازەی هەڵەبجە پێش وادەی خۆی تەواو کرا، كە ساڵێك پێش ئێستا و لەساڵیادی هەڵەبجەدا لەسەر داوای هەمان پەرلەمانتاری یەكێتی، سەرۆكوەزیرانی عیراق بڕی دوو ملیار دیناری بۆ جێبەجێكردنی پڕۆژەكە تەرخان كرد.