ئەكرەم ئیمام ئۆغلۆ، سەرۆكی گەورە شارەوانی ئیستەنبوڵی به‌ندكراو، بە تۆمەتی تێوەگلان لەگەندەڵی و پەیوەندیی لە گەڵ پارتی كرێكارانی كوردستان په‌یامێكی بڵاوكرده‌وه‌و راگه‌یاندووه، سبه‌ینێ پارتی گه‌لی كۆماری توركیا وه‌ك كاندیدی سه‌رۆكایه‌تی ده‌نگمپێده‌دات.
ئۆغڵۆ لە پەیامه‌كه‌یدا كه له تۆڕی كۆمه‌ڵایه‌تیی (ئێكس) رایگه‌یاندووه:" سبەینێ یەکشەممە (٢٣)ی ئادار، سەرجەم ئەندامانی پارتی گەلی كۆماری (جه‌هه‌په) وەک کاندیدی سەرۆکایەتیی دەنگم پێدەدەن"
ئۆغڵۆ داواشی لە هەموو ئه‌ندامانی حیزبەکه‌ی كردووه:" بچنە سەر سندوقەکانی دەنگدان، كه جگە لە سندوقی دەنگدان بۆ ئەندامانی پارته‌كه، سندوقی دەنگدان لە سەرتاسەری تورکیاش بۆ هەموو هاوڵاتیانی توركیاش دادەنرێت، به جۆش و خرۆشه‌وه به‌شداریبکەن"
سەرۆكی گەورە شارەوانی ئیستەنبوڵی به‌ندكراو ده‌ڵێت:"ئەم پرۆسەیە سەختە و ئاڵنگارییەكە دەكەوێتە ئەستۆی میللەتەکەمان".
Copyright © 2020 Kirkuk Tv All Rights Reserved Designed And Developed By AVESTA GROUP