ئاژانسی هەواڵی ڕۆیتەرز بڵاویكردەوە، ئەمریکا لەبەرامبەر کەمکردنەوەی بەشێک لە سزاکانی سەر سوریا، مەرجەکانی رادەستی بەرپرسانی ئه‌و وڵاته کردووە له نێویاندا پێنه‌دانی پۆستی باڵا به چه‌كدارانی بیانی و له‌نێوبردنی كۆگاكانی چه‌كی كیمیاوی.
ئەمڕۆ سێشەممە 25ی ئاداری 2025 ئاژانسی ڕۆیتەرز، به پشتبه‌ستن به شەش سەرچاوەی ئاگادر بڵاویكردووه‌ته‌وه كه:" ئەمریکا لە بەرامبەر هەڵگرتنی بەشێك لە سزاكانی له‌سه‌ر سوریا، لیستی مەرجەکانی راده‌ستی بەرپرسانی ئه‌و وڵاته كردووه"
ئاشكراشیكردووه:" لە 18ی ئاداری ئه‌مساڵدا، ناتاشا فرانسیسکی، جێگری یاریدەدەری وەزیری دەرەوەی ئەمریکا بۆ شام و سوریا، لە پەراوێزی کۆنفرانسی هاوكارانی سوریا لە برۆکسل لیسته‌كه‌ی راده‌ستی ئەسعەد شەیبانی، وەزیری دەرەوەی سوریا كردووه"
رۆیته‌رز باسی له‌وه‌شكردووه:" ئەوە یەکەم پەیوەندیی باڵای ڕاستەوخۆیه لە نێوان دیمەشق و واشنتن كه لە دوای دەستبەکاربوونی دۆناڵد ترەمپ، سەرۆکی ئەمریکا ئه‌نجامدرابێت"
ڕۆیتەرز نووسیوویه‌تی كه:" بۆ پشتڕاستكردنەوەی زانیارییه‌كانی، لەگەڵ شەش سەرچاوە دواوه، دوو بەرپرسی ئەمریکی و سەرچاوەیەکی سووری و دیپلۆماتکارێکی ناوچەیی و دوو سەرچاوەی ئاگادار لە واشنتن."
رۆیتەرز، لە زاری سه‌رچاوه‌كانییه‌وه ئه‌وه‌یخستووه‌ته‌ڕو كه:" ئه‌مریكا داوای له ده‌سه‌ڵاتدارانی سوریا كردووه کۆگاكانی چەکی کیمیایی، سه‌رده‌می رژێمی ئه‌سه‌د له‌ناوبه‌رن و هاوکارییان بن بۆ بەرەنگاربونەوەی تیرۆر"
هه‌ر به‌پێی رۆیته‌رز یه‌كێكی دیكه له مه‌رجه‌كانی ئه‌مریكا، دڵنیابوون بووە لەوەی چەکدارانی بیانی پۆستی باڵایان لە پێکهاتەی حوکمڕانی سوریادا پێنادرێت"
واشنتن داواشیكردووه، " لیژنەیەك پێكبهێنرێت بۆ هاوکاریکردنی هەوڵەکانی ئەمریکا بەمەبەستی دۆزینەوەی (ئۆستین تایس)، ئەو ڕۆژنامەنووسە ئەمریکییەی کە زیاتر لە 10ساڵه لە سوریادا بێسەروشوێنه."
رۆیته‌رز ده‌ڵێت:" هه‌ر شەش سەرچاوەکە پشتراستییانكردووه‌ته‌وه كه لە بەرامبەر جێبەجێکردنی هەموو ئه‌و مه‌رجانه، واشنتن بەشێك لە سزاکانی كەمدەكاتەوە"
Copyright © 2020 Kirkuk Tv All Rights Reserved Designed And Developed By AVESTA GROUP