وەزارەتی دارایی و ئابوری رایگه‌یاند، وەزارەتی دارایی حکومەتی فیدڕاڵ بڕی 954 ملیار و 880 ملیۆن و 467 هه‌زار و 779 دیناری وەک تەمویلی موچەی مانگی ئاداری موچەخۆران و فەرمانبەران و خانەنشینانی هەرێمی کوردستان، خستووه‌ته سەر هەژماری بانکی وەزارەتی دارایی و ئابوری هەرێم و سبەینێ پێنجشەممەش دەست بەدابەشکردنی موچەی مانگی ئادار دەکرێت.
له ڕاگه‌یه‌ندراوێكدا وەزارەتی دارایی و ئابوری حكومه‌تی هه‌رێمئاماژه‌ی بۆئه‌وه‌كردووه: "کەمێک لەمەوبەر بڕی 954 ملیار و 880 ملیۆن و 467 هه‌زار و 779 دینار وەک تەمویلی موچەی مانگی ئازاری موچەخۆران و فەرمانبەران و خانەنشینانی هەرێمی کوردستان، لەلایەن وەزارەتی دارایی حکومەتی فیدڕاڵەوە خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق".
راشیگه‌یاندووه:"سبەینێ پێنجشەممە دەست بەدابەشکردنی موچەی مانگی ئادار دەکرێت و ئەو موچەخۆرانەشی لە ڕێی پڕۆژەی هەژماری منەوە موچە وەردەگرن ڕاستەوخۆ پارە دەخرێتە سەر هەژمارەکانیان و لەڕێگای کورتەنامەوە ئاگادار دەکرێنەوە.
ئه‌وه‌شیخستووه‌ته‌ڕو كه :"ئەو موچە خۆرانەی بەشێوەی کاش موچە وەردەگرن، دوای گواستنەوەی پارە بۆ بانکەکان لە کەمترین ماوەدا، ڕاستەوخۆ دەست بەدابەشکردنی موچەکانیان دەکرێت."
Copyright © 2020 Kirkuk Tv All Rights Reserved Designed And Developed By AVESTA GROUP