سوپای ئه‌مریكا هاوكات له‌گه‌ڵ هێرشه ئاسمانییه‌كانی بۆسه‌ر چه‌كدارانی حوسی یه‌مه‌ن، فڕۆکەی بۆمبهاوێژی تارمایی دوورمەودای لە جۆری "B-2 Spirit"، گواستووه‌ته‌وه بۆ بنكه‌ی دیێگۆ گارسیا له ناوه‌ندی زه‌ریای هیندی.
به‌پێی ئاژانسە جیهانییه‌كانی هەواڵ، سوپای ئەمریکا فڕۆکەی بۆمبهاوێژی تارمایی دوورمەودای لە جۆری "B-2 Spirit" ، كه به‌ترسناكترین فڕۆكه بۆمبهاوێژه‌كانی جیهان ئه‌ژمارده‌كرێت بۆ بنکەی دیێگۆ گارسیا لە ناوەندی زەریای هیندی گواستەوە.
ئاژانسی "ئەسۆشێتد پرێس" ئاماژه‌ی بۆئه‌وه‌كردووه:" كه گوێره‌ی وێنەی مانگە دەستکردەکان) کە شیکردنەوەیان بۆ کردووە، ده‌ریده‌خات، ئەمریکا لانیکەم 4 بۆمبهاوێژی بۆ ئەو بنکەیە گواستووەتەوە، هاوکات 3 فڕۆکەی بۆمبهاوێژی دیکەش لە هەمان بنکەدا لە هەفتەی ڕابردوودا بینراون، واتا چارەکێک لە بۆمبهاوێژەکانی جۆری "B-2" کە ئەمریکا هەیەتی و توانای هەڵگرتنی کڵاوەی ئەتۆمییان هەیە لە ئێستادا لەو بنکەیە بڵاو کراونەتەوە.
(دیێگۆ گارسیا) بنکەیەکی سەربازییە كه له خانه‌ی بنكه ستراتیژییه‌كان پۆڵینده‌كرێت و له سەرەتای حەفتاکاندا لە زەریای هیندی دامەزراوە.
ئامانجی سەرەکیی نبكه‌كه چاودێریکردنی چالاکییە ئەتۆمییەکانی روسیا( یەکێتی سۆڤیەت)ی پێشو، و چین و پاراستنی كێڵگه نەوتییەکانی ڕۆژهەڵاتی ناوەڕاست و ناوچەی کەنداو و مسۆگه‌رکردنی گواستنه‌وه‌ی بۆ وڵاتانی ڕۆژئاوا بوو.
کۆکردنەوە بەرەو ئێران بەردەوامە، یان قبوڵکردنی پێشنیارەکانی ئەمریکا بۆ ئەنجامدانی ڕێککەوتنێک کە گەرەنتی چەکداماڵینی ئێران بکات (چەکی ناتەقلیدی) و ڕێگریکردن لە دەستوەردانی لە کاروباری وڵاتانی دیکە لە بەرامبەر هەڵگرتنی وردە وردەی سزاکان... یان بژاردەی سەربازی. لۆژیکییە کە ئێران دانوستان قبوڵ بکات، چونکە سیاسەتێکی پراگماتیک پەیڕەو دەکات کە پاراستنی سیستەمی سیاسی ئێران دەکاتە ئەولەوییەتێکی سەرەکی.
فڕۆكه‌ی بۆمبهاوێژی ستراتیژی جۆری "B-2 Spirit" لە ماوەی جەنگی سارددا دیزاین کراوە و لە ساڵی 1997 چووەته بواری خزمەتەوە، توانای خۆشاردنەوەی لە ڕادارەکانی دوژمن هەیە، جۆرەها بۆمب هەڵدەگرێت و لەنێویاندا بۆمبی ئەتۆمی.
خێراییه‌كه‌ی دەگاتە 973 کیلۆمەتر لە سه‌عاتێکدا، ئەوپەڕی بەرزیی دەگاتە 15200 مەتر و توانای فڕینی تا 11 هەزار کیلۆمەتر هەیە، بەشداریی کردووە لە جەنگەکانی پرۆسەی ئازادیی عێڕاق، ئەفغانستان و لیبیا.
Copyright © 2020 Kirkuk Tv All Rights Reserved Designed And Developed By AVESTA GROUP