بڕیارەکەی دۆناڵد ترەمپ بۆ زیادکردنی باج ١٠ دۆلار نرخی نەوتی داگرت

نرخی نەوت ئه‌مڕۆ هەینی بەرەو نزمترین نرخی خۆی ڕۆیشت و له‌ ساڵی 2021ه‌وه‌ له‌ گه‌رمەی ته‌شه‌نهکردنی ڤایرۆسی كۆرۆنادا ئه‌و نرخه‌ی به‌خۆوه‌ نه‌بینیوه‌، ئەوەش بەهۆی بڕیارەکەی دۆناڵد ترەمپ، سەرۆکی ئەمریکا بۆ باج و زیادکردنی بەرهەمی نوێ کە لەلایەن گروپی بەرهەمهێنەرانی ئۆپێک+ەوە ڕاگەیەندرا.
ئه‌مڕۆ هەینی نرخی نه‌وت زیاتر دابەزینی تۆمارکرد، دوای ئەوەی چین ڕایگەیاند، کە لە 10ی نیسانەوە باجی زیادە بە ڕێژەی 34% بەسەر سەرجەم کاڵا ئەمریکییەکان دەسەپێنێت.
لەو چوارچێوەیەدا، نرخی نه‌وتی خاوی برێنت ئه‌مڕۆ زیاتر لە ٥ دۆلار دابه‌زی و بە ٦٤ دۆلار مامەڵەی پێوەکرا، له‌ دوێنێوه‌ نزیكه‌ی 10 دۆلار دابه‌زیوه‌، نرخی نه‌وتی خاوی ته‌كساسیش ٦ دۆلار دابه‌زی و گه‌یشته دەوروبەری ٦١ دۆلار .
دۆناڵد ترەمپ سەرۆک ئەمریکا، بەربەستەکانی باجی بەرزکردەوە بۆ بەرزترین ئاستی لە ماوەی زیاتر لە سەدەیەکدا، ئەوەش وایکردوە وڵاتانی جیهان ئامادەکاریی بۆ تۆڵەسەندنەوە بکەن.