سەمیر هەورامی: کۆبونەوەی داهاتووی یەکێتی و پارتی بۆ یەکلاییکردنەوەی پۆستەکانە

وتەبێژی قوباد تاڵەبانی ئاشکرایدەکات: کۆبونەوەی داهاتووی یەکێتی و پارتی بۆ یەکلاییکردنەوەی پۆستەکانە.
سەمیر هەورامی، وتەبێژی جێگری سەرۆک وەزیرانی هەرێمی کوردستان ڕایگەیاند: کۆبونەوەی داهاتووی یەکێتی و پارتی بۆ یەکلاییکردنەوەی پۆستەکانە
بەوتەی سەمیر هەورامی، گرنگترین خاڵی رێککەوتنی یەکێتی و پارتی بۆ پێکهێنانی کابینەی دەیەمی حکومەتی هەرێمی کوردستان، گەیشتن بە رەشنووسێکی هاوبەش بوو بۆ شێوەی بەڕێوەبردنی وڵات.
وتیشی:بڕیارە لە داهاتوویەکی نزیکدا، لەدوای 12 یان 13ـی نیسانەوە، کاتێک دیاری بکەن بۆ کۆبوونەوە، بۆ ئەوەی پۆستە سەرۆکایەتییەکانیش (سیادی) یەکلاییبکرێنەوە، دواتر پۆستە وەزارییەکان.
سەمیر هەورامی ئاماژەی بەوەشکرد: هەردوو لایەن نیازێکی پاکـیان هەیە بۆ ئەوەی بە زووترین کات لەسەر پێکهێنانی حکومەت بگەنە رێککەوتن، بەهیواین بتوانین لە چەند کۆبوونەوەی داهاتوودا، ئەم پۆستانەش یەکلایی بکەینەوە.