دەزگای ئاسایشی هەرێم لەسەر ئاڵۆزییەکەی ئێوارەی ئەمڕۆی سلێمانی روونکردنەوەکە بڵاودەکاتەوە

دەزگای ئاسایشی هەرێم رایدەگەیەنێت لەسەر گرژی و ئاڵۆزییەکەی ئێوارەی ئەمڕۆ ئەنجومەنی لێکۆڵینەوە لە ڕووداوەکە پێکهێنراوە و سەرجەم ئەوانەش دەستگیرکراون کە گرژییان دروستکردوە.
عقید سەلام عبدالخالق ووتەبێژی دەزگای ئاسایشی هەرێم لە راگەیەندراوێکیدا رایگەیاند سەبارەت بەو گرژی و ئاڵۆزیەی ئێوارەی ئەمڕۆ ڕوویدا، ئەنجومەنی لێکۆڵینەوە لە ڕووداوەکە پێکهێنراوە".
ئاماژەی بەوەشکردوە ئەوانەی سەرپێچی یاساییان کردووە هێرشیان کردۆتە سەر پاسەوانەکانی بەڕێز (زیاد جەبار) لێپرسراوی مەڵبەندی سلێمانی، سەرجەمیان دەستگیرکراون و ڕێکاری یاسایی بەرامبەریان گیراوەتەبەر.