وەزارەتی نەوتی عیراق رایدەگەیەنێت داهاتی مانگی رابردووی فرۆشی نەوت نزیکەی 7 ملیار دۆلار بووەو زیاتر لە 100 ملیۆن بەرمیل نەوتیش هەناردە کراوە.
وەزارەتی نەوتی عیراق لە راگەیەندراوێكدا رایدەگەیەنێت:" بەپیی ئاماری کۆتایی كۆمپانیای بە بازاڕکردنی نەوتی دەوڵەت (سۆمۆ)، بڕی هەناردەکردنی نەوتی خاو 100 ملیۆن و 953 هەزار و 282 بەرمیل نەوت بووە".
لە بارەی داهاتی فرۆشی نەوتیشەوە ئاشکرای دەکات:" داهاتی نەوت بریتی بووە لە 6ملیار و 738ملیۆن و 309 هەزار دۆلار".
لە ئامارەکەی وەزارەتی نەوتدا ئاماژە بەوەشکراوە:" کۆی گشتی بڕی هەناردەکراوی نەوتی خاو بۆ مانگی نیسان لە کێڵگە نەوتییەکانی ناوەڕاست و باشوری عیراق 99 ملیۆن و 752 هەزار و 879 بەرمیل بووە".
لە کۆتایشدا، وەزارەتی نەوتی عیراق رایدەگەیەنێت:" بڕی هەناردەکردنی کێڵگەی گەیارە 900 هەزار و 584 بەرمیل بووە، هەروەها بڕی هەناردەکردنی بۆ ئوردن 299 هەزارو 819بەرمیل بووە".
Copyright © 2020 Kirkuk Tv All Rights Reserved Designed And Developed By AVESTA GROUP