پەرەسەندنی ئاڵۆزییەکان نرخی نەوت بەرزدەکاتەوە

 
له‌گه‌ڵ بڵاوبونه‌وه‌ی ژماره‌یه‌ك راپۆرت سه‌باره‌ت به‌ په‌ره‌سه‌ندنی ئاڵۆزییە‌كانی ڕۆژهه‌ڵاتی ناوه‌ڕاست و كه‌مكردنه‌وه‌ی كارمه‌ندانی باڵیۆزخانه‌ی ئه‌مریكا له‌ به‌غدا و هه‌ڕه‌شه‌كه‌ی وه‌زیری ده‌ره‌وه‌ی ئێران بۆ به‌ئامانجگرتنی بنكه‌كانی ئه‌مریكا له‌ ناوچه‌كه‌، نرخی نه‌وت به‌ڕێژه‌ی زیاتر له‌ 4% به‌رزبونه‌وه‌ی به‌خۆوه‌ بینی.
به‌گوێره‌ی بۆرسه‌ی جیهانی وزه‌، ئەمڕۆ  نرخی یەک بەرمیل نەوتی برێنت 15 سەنت بەرزبووەوە و بە 69 دۆلار و 92 سەنت مامەڵەی پێوە دەکرێت، هەروەها نرخی یەک بەرمیل نەوتی تەکساسی ئەمریکاش 22 سەنت بەرزبووەوە و بە 68 دۆلار و 37 سەنت مامەڵەی پێوە دەکرێت, كه‌ به‌رزترین ئاسته‌ له‌ دوای 3ی نیسانی ئه‌مساڵه‌وه‌.