پۆلیسی سەڵاحەدین: بکوژی پۆلیسەکەی تکریت دەستگیرکرا

پۆلیسی سەڵاحەدین لە ڕاگەیەندراوێکدا بڵاویکردەوە: دوای ئەوەی کارمەندێکی پۆلیسی تکریت بەناوی محەمەد خەتاب کە لە دووەم رۆژی جەژنەوە بێسەروشوێن ببوو، شەوی رابردوو تەرمەکەی لەنێو ھەیکەلێکدا دۆزرایەوە و لەماوەی چەند سەعاتێکدا بکوژی پۆلیسەکە دەستگیرکرا.
لە راگەیەندراوەکەشدا هاتووە: دوای لێکۆڵینەوە لە تاوانبار دەرکەوت بەھۆی کێشەی کۆمەڵایەتییەوە پۆلیسەکەی کوشتووە و شێوازی کوشتنەکەش بەو شێوەیە بووە کە بلۆکی لەسەری پۆلیسەکە داوە تاکو گیانی لەدەستداوە.