لۆکامۆدریچ ماڵئاوایی دەکات و دەبێت بە جەنگاوەرى میلان

دوای بەسەربردنى سەردەمێکى زێرین و پڕ لەدەسکەوت ، دواجار و دوای کۆتایی هاتنى یارییەکانى جامى جیهانى یانەکان ، لۆکامۆدریچى ئاوازدانەرو مۆسیقاژەنى یانەى ریاڵ مەدرید ماڵئاوایی لە یانەى شاهانە دەکات و بۆ یەک وەرز بۆند لەگەڵ یانەى ئەى سى میلانى ئیتاڵى واژۆدەکات .
فابریزۆ رۆمانۆ شارەزا لە گواستنەوەى یاریزانان جەخت لەوەدەکاتەوە ، هەموو ووردەکارییەکانى پەیوەست بە گواستنەوەى یاریزانە تەمەن 40 ساڵانەکە کۆتای هاتوە ، دوای کۆتایی هاتنى یارییەکانى جامى جیهانى یانەکان کەلە ئێستادا لە ئەمریکا یارییەکانى ئەنجام دەدرێت ، لۆکا لەگەڵ ریاڵ مەدرید بەشدارە ، لەگەڵ کۆتایی پاڵەوانێتیەکەش کاروانى وەرزشى لۆکا کۆتایی دێت و ئیدى ماڵئاوایی لەریاڵ مەدرید دەکات و بۆ یەک وەرز دەبێت بە یاریزانى نوێى ئەى سى میلانى ئیتاڵى .