وەزارەتی سامانە سروشتییەکان راگەیەندراوێکی بڵاوکردەوە

وەزارەتی سامانە سروشتییەکان: سەر لەبەیانی ئەمڕۆ لە ڕێگای  درۆنی بۆمبرێژکراوەوە ژمارەیەک هێرشی تیرۆریستی کرایە سەر کێڵگەکانی نەوتی تاوکێ و پێشخابوور و عین سفنی لە ئیدارەی سەربەخوی زاخۆ و قەزای شێخان سەر بە پارێزگای دهوک

وەزارەتی سامانە سروشتییەکان:هەر چەندە  هێرشەکان زیانی گیانی نەبووە، بەڵام زیانێکی زۆری بە ژێرخانی کێڵگەکان کەوتووە

وەزارەتی سامانە سروشتییەکان: بە تووندی ئەم هێرشە تیرویستیانە ئیدانە و شەرمەزار دەکەین ، کە  مەبەست لێدانی ژێرخانی ئابووری هەرێمی کوردستان و دروست کردنی مەترسییە لە سەر سەلامەتی کارمەندانی مەدەنی کەرتی وزە

وەزارەتی سامانە سروشتییەکان: بانگەوازی هەموو لایەنە پەیوەندیدارەکان لە حکومەتی فیدراڵی و کومەڵگەی نێودەوڵەتی دەکەین کە بە زووترین کات بێنە سەر خەت  بۆ پاراستنی گیانی کارمەندانی مەدەنی و ئەمنیەتی وزە و  ڕێگریکردن لە هێرشی دیکە بۆ سەر کەرتی وزەی کوردستان

وەزارەتی سامانە سروشتییەکان: هەموو هەوڵێکی خۆمان بۆ پاراستنی گیانی کارمەندانی کەرتی ووزەو پێگەی ستراتیجی خۆی لە دابین کردنی سەقامگیری ووزە لە ناوچەکە و جیهان دەدەین