کۆمەڵەی پیشەسازیی نەوتی کوردستان (ئەپیکۆر) رایگەیاند، کۆمپانیاکانی
ئەندام لە ئەپیکۆر خۆشحاڵن بەوەی گفتوگۆکانی نێوان حکومەتی هەرێمی کوردستان و حکومەتی
عیراق بۆ گەیشتن بە رێککەوتن لەسەر دەستپێکردنەوەی هەناردەی نەوت چڕکراونەتەوە.
راشیگەیاند، پێش ئەم گفتوگۆیانە،
کۆمپانیاکانی ئەندام لە ئەپیکۆر و نوێنەری کۆمپانیا نێودەوڵەتییەکانی دیکەی نەوت کە
لە هەرێمی کوردستان کار دەکەن، رۆژی 12ی تەممووزی 2025 لەگەڵ بەرپرسانی حکومەتی هەرێمی
کوردستان و حکومەتی عیراق کۆبوونەتەوە.
لە کۆبوونەوەکەدا کۆمپانیا
نێودەوڵەتییەکان جەختیان کردووەتەوە ئامادەن دەستبەجێ هەناردەکردنی نەوت دەستپێبکەنەوە،
ئەوەش کاتێک رێککەوتنی پابەندکەر ئیمزا دەکرێت، بەشێوەیەک دڵنیایی بدات لە پێدانی پارەی
هەناردە و رێز لە گرێبەستە یاساییە کارپێکراوەکانیان بگیرێت و چارەسەرێک بۆ شایستە
داراییە کەڵەکەبووەکانیان بدۆزرێتەوە.
روونیشیکردووەتەوە، دەبێت هەموو
پارەدانێک بە شێوەیەکی خێرا و شەفاف بێت، کە جێی قبووڵی کۆمپانیاکان و حکومەتی هەرێمی
کوردستان بێت، ئینجا بە کاش یان لە رێگەی رادەستکردنی پشکی نەوتیەوە بێت.
Copyright © 2020 Kirkuk Tv All Rights Reserved Designed And Developed By AVESTA GROUP