حكومەتی هەرێم بانگهێشتی دوو لیژنەی پەرلەمان رەتدەكاتەوەو داوا دەكات لیژنەی چاكسازی لە لیستی شەهیدان و ئەنفالكراوان و لیژنەی چاكسازی زیندانیانی سیاسی ئەوان چینە لایان.
رۆژان شەهید حەمەڕەش ئەندامی پەرلەمانی كوردستان لەوبارەیەوە نووسیەتی:"دوای بانگهێشتی لیژنەی چاكسازی لە لیستی شەهیدان و ئەنفالكراوان و لیژنەی چاكسازی زیندانیانی سیاسی بۆ ئامادەبوون لە (لیژنەی كاروباری شەهیدان و جینۆساید و زیندانیانی سیاسی ) لە پەرلەمانی كوردستان ئەمەیە وەڵامی حكومەت ئێمە ناتوانین بێین ئێوە وەرن .
ئەوەشی خستووەتەڕوو:"دیارە بیریان چووە ئەم حكومەت و حكومڕانییەی ئێستا بەرهەمی خوێنی شەهیدان و ئەنفالكراوان و ئازار و هاوارەكانی ناو زیندانی زیندانییە سیاسیەكانە .
لەبەشێكی تری نوسینەكەیدا وتوویەتی:" وەزارەتی شەهیدان پێویستە نوێنەری كەسوكاری شەهیدان و ئەنفالكراوان و زیندانیانی سیاسی بن، ئەگەر ناتوانن پێویست بە بوونی وەزارەتێك ناكات كە لەسەر مافی ئەو ماف خوراوانە ئیمتیازیان پێ بدرێت ئەو مافانەی هەیشیانە لەسایەی ئێوەوە والێیان وەردەگیرێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP