موقتەدا سەدر سەرۆكی رەوتی سەدر سەبارەت بەپێكهێنانی حكومەتی داهاتووی عیراق رایگەیاند، سەرۆك وەزیرانی داهاتو نە خۆرئاوایی و نەخۆرهەڵاتی دەبێت ، بەڵكو شكۆ و هێز بۆ وڵات دەگەڕێنێتەوە.
سەدر لە تویتێكدا كەلە هەژماری تایبەتی خۆی لە تۆڕە كۆمەڵایەتیەكان نوسیویەتی، " ناكرێت ئاشتی گەل لە نیشتمانەكەماندا بشێوێندرێت، ئەو تەنها گرنگی بە سەلامەتی هاوڵاتیان و عێراق دەدات.
هاوكات داواشیكردووە هەموان دان بەخۆیاندا بگرن و بەرژەوەندی گشتی بخەنە پێش بەرژەوەندیە تایبەتەكانیانەوە.
سەرۆكی رەوتی سەدر ئەوەشی ئاشكراكردوە، ئەوان بە پێی یاسا شەڕی دژ بە گەندەڵی دەكەن و سەرۆك وەزیرانی داهاتووی عیراقیش نە خۆرهەڵاتی و نە خۆرئاوایی دەبێت ، بەڵكو شكۆ و هێز بۆ عێراق دەگەڕێنێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP