پێشبینی به‌رزبونه‌وه‌ی نرخی نه‌وت بۆ 120 دۆلار ده‌كرێت

كۆمپانیای زه‌به‌لاحی روسیا له‌ بواری وزه‌ (رۆسنه‌فت)، پێشبینی ده‌كات ساڵی داهاتو، نرخی نه‌وت بۆ 120 دۆلار به‌رزبێته‌وه‌.

ئوتابیك كریمۆڤف، جێگری سەرۆکی بازرگانی و لۆجستی له‌ کۆمپانیاکە بە ئاژانسی "تاس"ی وڵاته‌كه‌ی رایگەیاندوه‌، "بە روونی ئه‌وه‌ دەیبینین کە لە نیوەی دووەمی ساڵی داهاتودا، نرخی به‌رمیلێك نه‌وت دەگاتە 120 دۆلار.

ئه‌مه‌ له‌كاتێكدا له‌ساڵی 2011 به‌هۆی خۆپیشاندانه‌ جه‌ماوه‌رییه‌كان له‌ چه‌ند وڵاتێكی عه‌ره‌بی كه‌ به‌ به‌هاری عه‌ره‌بی ناسرا، نرخی به‌رمیلێك نه‌وت گه‌یشته‌ 126 دۆلار.