موقتەدا سەدر ڕێبەری ڕەوتی سەدر، دوای هەڵبژاردنی دەستەی سەرۆكایەتی ئەنجومەنی نوێنەران ڕایگەیاند، هەڵبژاردنەكە موژدەی حكومەتێكی زۆرینەی نیشتیمانییە.
موقتەدا سەدر، لەپەیامێكدا ئاماژەی بەوەشكردوە، هەڵبژاردنی سەرۆكی پەرلەمان و جێگرەكانی، موژدەی پێكهێنانی حكومەتی زۆرینەی نیشتیمانییە، هاوكات پیرۆزبایی لەگەلی عێراقیش كردو ڕایگەیاند: هەڵبژاردنەكە سەرەتای بونیادنانی وڵاتێكی ئازادو سەربەخۆو دوور لە پاشكۆیی مەزهەبی و، ئیتنی و گەندەڵی دەبێت.
ئاماژەی بەوەشكردوە، حكومەتی نوێ پارێزگاری لەسەروەری وڵات دەكات و، لەبڕیارەكانیدا پابەندی پاراستنی گەل و شكۆی هاوڵاتیان دەبێت، هەروەها كاربۆ چاكسازی ڕاستەقینە دەكات، بۆ ئەو مەبەستەش ئومێدەوارە لایەنەكان لەئاست بەرپرسیاریەتی قۆناغەكەدا مامەڵە بكەن.
Copyright © 2020 Kirkuk Tv All Rights Reserved Designed And Developed By AVESTA GROUP