بەبۆنەی یادی پەنجاو دوو ساڵەی دامەزراندنی یەكێتی نوسەرانی كوردەوە، قوباد تاڵەبانی جێگری سەرۆكی ئەنجومەنی وەزیرانی هەرێمی كوردستان، بروسكەیەكی پیرۆزبایی ئاڕاستەی ئەكرەم میهرداد سەرۆكی یەكێتی نوسەرانی كورد و نوسەران و ئەدیبان و رۆشنبیرانی كوردستان كرد.
كە تێدا هاتوە: لەم ساڵیادەدا رۆڵ و پێگەی رێكخراوە درەوشاوە و تێكۆشەرەكەتان بەرز دەنرخێنین لەخزمەتكردنی كاروانی ئەدەبی و پاراستن و گەشەپێدانی زمانی كوردیدا.
ئەوەشیخستۆتەروو: یەكێتی نوسەران بەدرێژایی تەمەنی كۆكەرەوەی ئەو قەڵەمە بەهەڵوێستانە بووە كەداڕێژەری بیری نەتەوایەتی و نیشتمانپەروەری و كوردایەتی بوون، بۆ داهاتوش متمانەم هەیە بتوانێت پێشەنگی بزاڤی رۆشنبیران و نوسەران بێت لەمەیدانی تێكۆشانی ئەدەبی و رووناكبیری و ئاڕاستەیان بكات لەبەرژەوەندی گەلی كوردستان و مەسەلە رەواكانیدا.
Copyright © 2020 Kirkuk Tv All Rights Reserved Designed And Developed By AVESTA GROUP