بانكی ناوه‌ندی هۆشداريی ده‌داته‌ ئه‌و هاوڵاتيیانه‌ى مامه‌ڵه‌ له‌گه‌ڵ كۆمپانیا بێ مۆڵه‌ته‌كان ده‌كه‌ن

بانكی ناوه‌ندی عیراق داوا له‌ هاوڵاتیان ده‌كات مامه‌ڵه‌ نه‌كه‌ن له‌گه‌ڵ ئه‌و فه‌رمانگه‌ و كۆمپانیا بێ مۆڵه‌تانه‌ی كه‌ بانگه‌شه‌ی پێدانی پێشینه‌ و قه‌رز، یان هه‌ر ئاسانكارییه‌كی به‌و شێوه‌يه‌ ده‌كه‌ن.

 له‌ راگه‌یه‌نراوێكدا بانكی ناوه‌ندی  عیراق ئاماژه‌ی به‌ دیارده‌ی ڕیكلامكردن له‌ تۆره‌ كۆمه‌ڵایه‌تییه‌كان كردووه‌ بۆ فه‌رمانگه‌ و كۆمپانیا بێ مۆڵه‌ته‌كان كه‌ په‌ره‌ به‌ پێدانی ئاسانكاری قه‌رز یان پێشینه‌ ده‌ده‌ن به‌هاوڵاتیان. 
  
هاوكات  هۆشدارریشی داوه‌ته‌وه‌ ئه‌و كه‌سانه‌ی به‌شداری له‌و جۆره‌ چالاكییانه‌ ده‌كه‌ن له‌ پێشێلكردنی ڕێنماییه‌كانی بانك و یاسا كارپێكراوه‌كان، به‌ تایبه‌ت ماده‌ی (٣)ی یاسای هه‌مواركراوی بانكی ژماره‌ ٩٤ی ساڵی ٢٠٠٤، كه‌ ئاماژه‌ به‌گرتنه‌به‌ری ڕێوشوێنی یاسایی ده‌كات له‌دژی ئه‌و كه‌سانه‌ی بێ مۆڵه‌ت كارده‌كه‌ن.