بانكی ناوه‌ندی عیراق تاوتوێی ده‌ركردنی دراوی 20 هه‌زار دیناری ده‌كات

د. نه‌رمین مه‌عروف ئه‌ندامی لیژنه‌ی دارایی له‌ئه‌نجومه‌نی نوێنه‌رانی عیراق ڕاگه‌یاند، پێشتر پرسیارمان ئاراسته‌ی پارێزگاری بانكی ناوه‌ندیی عیراق كرد سه‌باره‌ت به‌هۆكاری ده‌ركردنی دراوی 20 هه‌زار دیناری كه‌ به‌چه‌ند خاڵێك ڕوونیكرده‌وه‌.
وتیشی: ده‌ركردنی ئه‌و دراوه‌ نوێیه‌ په‌یوه‌سته‌ به‌مانه‌وه‌ی پارێزگاری بانكی ناوه‌ندیی عیراق كه‌ئه‌گه‌ر له‌پۆسته‌كه‌ی بمێنێته‌وه‌ ئه‌وا ڕه‌نگه‌ دراوی 20 هه‌زار دیناری ده‌ربكات و ئه‌گه‌ر كه‌سێكی دیكه‌ له‌شوێنه‌كه‌ی دابنرێت ڕه‌نگه‌ به‌پێویستی نه‌زانێت ئه‌و دراوی 20 هه‌زار دینارییه‌ ده‌ربكات.
ئاماژه‌ی به‌وه‌شكرد، له‌م قۆناغه‌دا به‌های دیناری عیراقی به‌رامبه‌ر دۆلار جێگیرنییه‌و سفری سه‌ر دراوی عیراقی لانابرێت و ئه‌گه‌ر سفری سه‌ر دراو لاببرێت  تێچوویه‌كی زۆر له‌سه‌ر حكومه‌تی عیراق ده‌كه‌وێت بۆیه‌ له‌م قۆناغه‌دا بیر له‌لابردنی سفری سه‌ر دراو ناكرێته‌وه‌.