ئاسایشی نیشتمانیی عێراق، ده‌ستگیركردنی 6 تیرۆرستی داواكراوی له سێ پارێزگادا راگه‌یاند، كه دووان له‌و تیرۆرستانه له كه‌ركوكه، له پارێزگای ئه‌نباریش به‌هاوكاری ئاسایشی سلێمانی، تیرۆرستێكیان ده‌ستگیركردووه.
له راگه‌یه‌ندراوێكدا ئاسایشی نیشتمانیی عێراق، ئاماژه‌ی بۆئه‌وه‌كردووه:" هێزه‌كانیان له سێ پارێزگادا (6) تیرۆرستی تۆمه‌تبار به‌مادده‌ی (1/4) تیرۆر ده‌ستگیركردووه.
ئه‌وه‌شیخستووه‌ته‌ڕو كه:" له شاری به‌غدا 3 تیرۆرستیان له شوێنی مانه‌وه‌یان ده‌ستگیركردووه، كه یه‌كێك له‌و تیرۆرستانه بۆ ده‌ره‌وه‌ی وڵات هه‌ڵاتبو.
راشیگه‌یاندووه:" له پارێزگای كه‌ركوكش مه‌فره‌زه‌كانیان له بۆسه‌یه‌كدا دوو تیرۆرستیان ده‌ستگیركردووه"
باسی له‌وه‌شكردووه:"له پارێزگای ئه‌نبارش به‌هاوكاری هێزه‌كانی ئاسایشی سلێمانی تیرۆرستێكیان ده‌ستگیركردووه"
روونشیكردووه‌ته‌وه:"دوای تۆماركردنی وته‌كانیان سه‌رجه‌م ئه‌و تۆمه‌تبارانه ره‌وانه‌ی لایه‌نه په‌یوه‌ندیداره‌كان كراون تا رێوشوێنی پێویستیان به‌رامبه‌ر وه‌ربگیرێت"
Copyright © 2020 Kirkuk Tv All Rights Reserved Designed And Developed By AVESTA GROUP