وه‌زیری داد به‌ مۆنۆمێنت كردنی نوگره‌سه‌لمان ده‌خاته‌بواری جێبه‌جێكردنه‌وه‌

سالار مەحمود، چالاکی بواری جینۆساید و ئەنفال و سەرۆکی یەکێتی نوسەرانی جینۆسایدی کوردستان رایگەیاند، خالید شوانی وەزیری دادی عیراق رەزامەندی دەربڕییه‌وه‌ له‌سه‌ر گۆڕینی قه‌ڵای نوگره‌ سه‌لمان بۆ موزەخانەو یادگەی لەبیرنەردن و شوێنەواری تاوانەکانی کۆمەڵکوژی ئەنفال و تاوانەکانی تری گەلانی عێراق.
 
سالار مەحمود لە ئه‌ژماری خۆی له‌ تۆڕی كۆمه‌ڵایه‌تی فه‌یسبوك رایگەیاندووه‌، "قەڵای نوگرە سەلمان لە دروستکردنییەوە تا روخانی رژێمی بەعس وەک زیندان و گرتوخانە بەکارھاتوە، بەتایبەتیش زیندانیانی ئەنفال و تاوانە مەترسیدارەکانی تر لە عێراق، بەمەبەستی بەکارھێنانی بیناکەو گۆڕینی بۆ موزەخانەو یادگەی لەبیرنەردن و شوێنەواری تاوانەکانی کۆمەڵکوژی ئەنفال و تاوانەکانی تری گەلانی عێراق، سەردانی وەزیری دادی عیراق خالید شوانیم کرد، داواکاری بەدواداچون و راپەڕاندنی ئەو ئەرکە گرنگەم خستە بەردەستیان". 
 
ئاشكراشیكردووه‌:"وەزیری دادی عێراق بەڵێنیداوە بەجددی کار لەسەر ئەو پرسە بکات و بە بەشێک لە ئەرکەکە ھەستاوە، ھەروەھا لە دیدارەکەدا باس لە پرسی گۆڕە بەکۆمەڵەکان و داخوازی کەسوکاری قوربانیانی جینۆساید و ئەنفال و دۆسیەی جینۆساید لەسەر حکومەتی عیراقی فیدڕاڵ کرا.
 
باسی له‌وه‌شكردووه‌:"زیندانی نوگرە سەلمان، یەکێک لە زیندانە بەناوبانگەکان لە رۆژهەڵاتی ناوەڕاست، دەکەوێتە خواروی عێراق پارێزگای سەماوە نزیک لە قەزای سەلمان، نزیک لە سنوری وڵاتی سعودیە، ناوچەیەکی سەحراو بەدەوی نشینە."