دوای فراوانبوونی فشارو ناڕه‌زاییه‌كان به ناچاری RT بانك بڕیاری پێدانه‌وه‌ی دینار له بری دۆلار، به‌و هاووڵاتییانه‌ی كه دۆلاریان له‌و بانكه هه‌ڵگرتبوو هه‌ڵوه‌شانده‌وه.
سه‌رچاوه‌یه‌ك وتی: له‌ئێستادا بانكی ناوبراو بڕیاری داوه هه‌ر كه‌سێك پاره‌ی له بانكه‌كه بێت ده‌توانێت به دۆلار وه‌ریبگرێته‌وه.
دوێنێ دووشەممە 11ی ئه‌یلوول 2023 بانكی RT ی هەولێر بڕیاریدا ئەو هاووڵاتییانه‌ی دۆلاریان لە هەژمارە بانکییەکانیان لەو بانکەدا داناوە، ناتوانن دۆلارەکانیان وەربگرنەوە، بەڵکو بانكه‌كه ناچاریان ده‌كات بە دینار وەریبگرنەوە و بۆ هەر 100 دۆلارێکیش 132 هەزار دیناریان بۆ ئه‌ژمار ده‌كرێت.
ئەو كەسانەشی دۆلاریان لەو بانكە هەیە بەنرخی رۆژ بۆ هەر 100 دۆلار 24 هەزار دینار زیانیان بەردەكەوت.
Copyright © 2020 Kirkuk Tv All Rights Reserved Designed And Developed By AVESTA GROUP