جێگری سەرۆکی ھەرێم: تێکدانی ئاسایشی ھەرێم كارێكی ترسنۆكانه‌ی پڕله‌ شه‌رمه‌زارییه‌

جەعفەر شێخ مستەفا جێگری سەرۆکی ھەرێم لە راگەیەنراوێکدا بەتوندی ئیدانەی بۆردومانكردنی فرۆکەخانەی کشتوکاڵی سەربە ناحیەی عەربەتی پارێزگای سلێمانی دەکات و تێیدا رایدەگەیەنێت:"بۆ ھەموو لایەک ڕوونە کە ئامانج لەو کردەوە پڕ لە شەرمەزاری و ترسنۆکانەدا تێکدانی ئاسایش و سەقامگیری ھەرێمی کوردستان".

دەقی راگەیەنراوەکە:

 لە راگەیەنراوێکدا جەعفەر شێخ مستەفا رایگەیاند:" ئامانج لە ھێرشەکەی سەر فڕۆکەخانەی کشتوکاڵی عەربەت تێکدانی ئاسایش و سەقامگیریی ھەرێمی کوردستانە و ئەرکی سەرشانی لایەنە پەیوەندیدارەکانی ھەرێم و عێراقە شکۆ و سەروەری خاک و نیشتیمان بپارێزن".

هەر لە راگەیەنراوەکەدا جەعفەر شێخ مستەفا جێگری سەرۆکی ھەرێم بە توندی ئیدانەی ھێرشە تیرۆریستییەکەی سەر فرۆکەخانەی کشتوکاڵیی عەربەت دەکات و دەڵێت بۆ ھەموو لایەک ڕوونە کە ئامانج لەو کردەوە پڕ لە شەرمەزاری و ترسنۆکانەدا تێکدانی ئاسایش و سەقامگیری ھەرێمی کوردستان.

ئاماژەی بەوەشکردووە:" ئەرکی سەرشانی لایەنە پەیوەندیدارەکانە لە حکومەتیی ھەرێم و عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە دووبارەبوونەوەی ئەم ھێرشە تیرۆریستیانەدا، بۆ ئەوەی چیتر ناوچەکەمان نەبێت بە قوربانی ململانێ ناوچەییەکان و کێشە نێودەوڵەتییەکان".