به‌تۆمه‌تی دزینی ئوتۆمبێلێكی بارهەڵگر، مەفرەزەکانی نوسینگەی نەهێشتنی دزینی ئوتۆمبێل تۆمه‌تبارێكیان دەستگیرکرد.
بەڕێوەبەرایەتی پۆلیسی پارێزگای سلێمانی رایگه‌یاند:" دوای ئەوەی هاوڵاتییەك سكاڵای یاسایی تۆماركرد كە ئوتۆمبێله‌كه‌ی په‌كی كه‌وتووه‌و جێیهێشتووه، به‌ڵام كاتێك گه‌ڕاوه‌ته‌وه ئوتۆمبێله‌كه‌ی دزراوه، دەستبەجێ هێزەکانی پۆلیس لێكۆڵینەوەو بەدواداچونەكانیان بۆ دۆزینه‌وه‌و ده‌ستگیركردنی تۆمه‌تبار دەستپێكرد"
ئه‌وه‌شیخستووه‌ته‌ڕو كه له:" دوای وەرگرتنی بڕیاری بەڕێز دادوەر، توانرا تۆمەتبار بدۆزرێتەوەو لەلایەن مەفرەزەکانی نوسینگەی نەهێشتنی دزینی ئوتۆمبێلەوە دەستگیربکرێت. هەروەها دەستیشگیرا بەسەر ئوتۆمبێلە دزراوەکەدا."
ئاشكراشیكردووه:"تۆمەتبار (ر، ج، ع) له‌دایكبووی 1993 دانی بەتاوانەکەیدا ناوەو لەئێستادا بەبڕیاری بەڕێز دادوەرو بەپێی ماددەی 446 لەیاسای سزادان راگیراوه‌و لێكۆڵینەوەكان بەردەوامە."
Copyright © 2020 Kirkuk Tv All Rights Reserved Designed And Developed By AVESTA GROUP