كاروان یار وه‌یس، ئه‌ندامی ئه‌نجومه‌نی نوێنه‌رانی عیراق رایگه‌یاند، بڕیاره سبه‌ینێ ئه‌نجومه‌نی نوێنه‌رانی عیراق له دانیشتنێكی نائاساییدا ده‌رگای خۆپاڵاوتن بۆ هه‌ڵبژاردنی پۆستی سه‌رۆكی په‌رله‌مان بكاته‌وه و سه‌رۆكێكی نوێ بۆ ئه‌نجومه‌نه‌كه هه‌ڵبژێرێت.
ئاماژه‌ی به‌وه‌شكرد، له‌بڕگه‌ی دووه‌مدا ده‌نگ له‌سه‌ر هه‌مواری یاسای كۆمیسیۆنی هه‌ڵبژاردنه‌كانی عیراق ده‌درێت و ته‌مه‌نی ئه‌نجومه‌نی كۆمیسیارانیش بۆ شه‌ش مانگ درێژ ده‌كرێته‌وه تاوه‌كو كۆمیسۆن بتوانێت سه‌رپه‌رشتی هه‌ڵبژاردنی ئه‌نجومه‌نی پارێزگاكانی عیراق و په‌رله‌مانی كوردستان بكات.
ئه‌مه له كاتێكدایه پێشتر به بڕیارێكی داداگای فیدڕاڵی ئه‌ندامێتی محه‌مه‌د حه‌لبووسی سه‌رۆكی ئه‌نجومه‌نی نوێنه‌ران هه‌ڵوه‌شایه‌وه‌و عیراق و كوردستانیش له‌به‌رده‌م دوو هه‌ڵبژاردندان و پێویسته یاسای كۆمیسۆنیش له په‌رله‌مانه‌وه هه‌موار بكرێته‌وه.
Copyright © 2020 Kirkuk Tv All Rights Reserved Designed And Developed By AVESTA GROUP
