بەهەوڵی فراکسیۆنی یەکێتی هەڵگرانی بڕوانامەی ماستەرو دکتۆرا داده‌مه‌زرێن

بەهەوڵی ئەندامێکی فراکسیۆنی یەکێتی لە ئەنجومەنی نوێنەران، هەلی دامەزراندن بۆ هەڵگرانی بڕوانامەی ماستەر و دکتۆرا لە هەرێمی کوردستان دەکرێتەوەو ئەندامەکەش رایدەگەیەنێت: "سەرجەم هەڵگرانی بڕوانامەی خوێندنی باڵای ماستەر و دکتۆرای دانیشتوی هەرێمی کوردستان مافیان هەیە داوای دامەزراندن پێشەکەش بکەن".

بەدریە حسێن ئەندامی فراکسیۆنی یەکێتیی نیشتمانیی کوردستان لە لیژنەی خوێندنی باڵای پەرلەمانی عیراق رایگەیاند: "بەهەوڵی فراکسیۆنی یەکێتی لە ئەنجومەنی نوێنەرانی عیراق هەلی دامەزراندن بۆ هەڵگرانی بڕوانامەی خوێندنی باڵا (ماستەر و دکتۆرا)ی دانیشتوی هەرێمی کوردستان  دەکرێتەوە".

بەدرییە حسێن وتی: "سەرجەم هەڵگرانی بڕوانامەی خوێندنی باڵای ماستەر و دکتۆرای دانیشتوی هەرێمی کوردستان، مافیان هەیە و دەتوانن لە ڕێگەی ئەنجومەنی ڕاژەی فیدراڵییەوە داوای دامەزراندن پێشکەش بکەن، بە مەرجێک ئامادەبن لە دامودەزگاکانی حکومەتی فیدراڵی کاربکەن"،

ئەندامەکەی لیژنەی خوێندنی باڵای نوێنەرانی عیراق ئاماژە بەوەش دەکات: "لینکی دامەزراندن لە 15-3-2024 دەکرێتەوەو بۆ ماوەی 21 رۆژ بەردەوام دەبێت و تەنها خوێندکاری ئەو زانکۆیانە دەکرێتەوە کە دانپێدانراون لەلایەن وەزارەتی خوێندنی باڵای فیدراڵییەوە".