سه‌باح شێخ حه‌بیب له‌گه‌ڵ سودانی پرسی مامۆستایانی مولحه‌ق و خۆبه‌خش تاوتوێ ده‌كات

سه‌باح شێخ حه‌بیب  سەبارەت بە بابەتی مولحەق وخۆبەخشەکانی شاری کەرکوک داواکارییه‌ك ئاڕاسته‌ی سودانی ده‌كات.
له‌میانی كۆبونه‌وه‌كه‌ی فراكسیۆنی یه‌كێتی له‌گه‌ل محه‌مه‌د شیاع سودانی سه‌رۆك وه‌زیرانی عیراق ، پەرلەمانتار سه‌باح شێخ حبیب ئەندامی لیژنەی پەروەردە لەپەرلەمانی عێراق بابەتی گواستنەوەی ڕاژەی مامۆستایانی خوێندنی کوردی لەکەرکوک و ناوچە جێناکۆکەکان بۆ سەر ناوەند خسته‌ڕوو ، هه‌روه‌ها پرسی مامۆستایانی مولحەق و مامۆستاخۆبەخشەکانی شاری کەرکوک تاوتوێكرا و شێخ سه‌باح داوای له‌ سه‌رۆك وه‌زیرانكرد كه‌ چوار هه‌زار پلەی وەزیفی دابین بکات بۆ بەشی خوێندنی کوردی له‌ کەرکوک.
له‌كۆتایی كۆبونه‌وه‌كه‌دا محه‌مه‌د شیاع سودانی بڕیاریدا لیژنه‌یه‌ك پێكبهێنرێت بۆ جێبه‌جێكردنی ئه‌و داواكارییانه‌.

فراکسیۆنی یەکێتی لەئەنجومەنی نوێنەرانی عێراق بەئامادەبوونی  وەزیرانی  داد و ژینگە لەگەڵ  محەمەد شیاع سودانی سەرۆک وەزیرانی عێراق کۆبوەوە. 
لەکۆبونەوەکەدا کە لە تەلاری ئەنجومەنی وەزیران بەرێوەچوو، فراکسیۆنی یەکێتی چەند پرسێکی گرنگی پەیوەست بەژیانی خەڵک و ناوچە جیاجیاکانی هەرێمی کوردستان و ناوچە کوردستانیە دابرێنراوەکانی ئاراستەی سەرۆک وەزیران کرد.