دوای
ئەوەی لەیاریەکەیان بەرامبەر یانەی ریاڵ مەدرید لە کلاسیکۆی لالیگا, لەدەقیقەی 52
پێکدادان لەنێوان فیدریکۆ ڤاڵڤێردی و فرەنکی دی یۆنگی ھۆڵەندی روودەدات , بەو ھۆیەوە
ئەستێرەکەی یانەی بلوگرانا دووچاری پێکانێکی سەخت دەبێت و راستەوخۆ یاریگا بەجێدەھێڵێت,
لەنوێترین ھەواڵی بارودۆخی پێکانەکەی دی یۆنگ ڕۆژنامەی سپۆرتی کەتەلۆنی بڵاویکردۆتەوە
کە پێکانی ئەستێرە ھۆڵەندیەکە قورسە و ئەگەر ھەیە مانگ و نیوێک لەیاریگاکان دوور
بکەوێتەوە , بریاریش وایە سبەی سێ شەممە دی یۆنگ دەست بکات بە وەرگرتن و ئەنجامدانی
چارەسەری سروشتی تاکوو بەکاتێکی کەمتر لەپێکانەکەی چاکبێتەوە , ئەمەش سەرەرای ئەوەی
وەرزی ئەمساڵی لالیگا بۆ دی یۆنگ کۆتایی ھاتووە بەڵام دەستەی پزیشکی یانەی بارسێلۆنا
نایانەوێت بارودۆخی نەخوازراوی ئەستێرەکەیان درێژە بکێشێت و ئامانجیان ئەوەیە بەوادەیەکی نزیک بیگەڕێننەوە سەر تەندروستی
جێگیری خۆی و بەچارەسەری سروشتی پێکانەکەی چاک بکەنەوە.
Copyright © 2020 Kirkuk Tv All Rights Reserved Designed And Developed By AVESTA GROUP
