بێگومان لەگەڵ ھاتنی ماوەکانی
مێرکاتۆ و بازاری گواستنەوەی یاریزانان ھەواڵ و دەنگووباسەکانی سعوودیە میدیاکانی
جیھان دەتەنن , لەگرنگترین ھەواڵدا یانەی نەسڕی سعوودی پاش گواستنەوەی چەندین ئەستێرەی
وەک کریستیانۆ رۆناڵدۆ و سادیۆ مانێ و برۆزۆڤیچ و تالیسا , لەئێستادا دەیەوێت پێگەی
گۆڵی تیپەکەی بەگۆڵپارێزێکی جیھانی و خاوەن متمانە قایمتر بکات , رۆژنامەی دەیلی مەیلی
بەریتانی بڵاویکردۆتەوە , یانەی نەسڕ خوازیارە بەگواستنەوەی ئێدەرسۆنی بەرازیلی و
ئامانجی ئەوەیە لەبری دەیڤید ئۆسپینا , ئەرکی پاراستنی گۆڵەکەی بە ئێدەرسۆن بسپێرێت
, بۆ ئەو مەبەستەش یانە سعودیەکە ئۆفەرێکی بەبڕی 30 ملیۆن یۆرۆ رادەستی یانەی مانچێستەر
سیتی کردووە تاکوو دەستبەرداری گۆڵپارێزەکەی بێت , بەڵام بەپێی چەند سەرچاوەیەکی بەریتانی
, ئێدەرسۆنی 30 ساڵان دەیەوێت لەکۆتایی ئەم وەرزە گرێبەستەکەی لەگەڵ مانچێستەر شین
نوێ بکاتەوە و وەرزێکی دیکەش لەگەڵ کەتیبەکەی گواردیۆلا بەردەوام بێت.
Copyright © 2020 Kirkuk Tv All Rights Reserved Designed And Developed By AVESTA GROUP