لیژنەی تایبەت
بەهەژمارکردنی بڕوانامە لەپەروەردەی کەرکوک زیاددەکرێت، بەجۆرێک هەفتانە دوو
لیژنەو لەماوەی دوو رۆژی هەفتەدا پێشوازی لەمامەڵەکاران دەکەن.
سەرچاوەیەک لەپەروەردەی
کەرکوک رایگەیاند، لیژنەی وەرگرتنی بڕوانامە لەمامۆستایان و فەرمانبەرانی سەر
ئیدارەی پەروەردەی ناوەند بۆ دوو لیژنە زیاد دەکات، لیژنەی یەکەم تەنها مامەڵە لەو
کەسانە وەردەگرێت کەبڕوانامەکانی سەرەتایی و ناوەندی و ئامادەیی و دبلۆم و
بەکالۆریۆس زیاد دەکەن، لیژنەی دووەمیش تەنها بڕوانامە باڵاکانی ماستەرو دکتۆرا لەمامۆستا
و فەرمانبەران وەردەگرن.
لیژنەکەش لەهۆڵی چالاکی
وەرزشی کەرکوک پێشوازیی لەمامۆستایان و فەرمانبەران دەکەن، بۆ ڕاییکردنی
مامەڵەکانیان .
ئەو سەرچاوەیە
رەتیکردەوە هیچ وادەیەک بۆ کۆتایی کاری لیژنەکان و وەرگرتنی مامەڵەکان دیاریی
کرابێت و ڕوونیکردەوە هێشتا بەردەوامدەبن لەڕاییکردنی مامەڵەکان و هیچ وادەیەک بۆ
کۆتایی کارەکانیان دیارینەکراوە.
Copyright © 2020 Kirkuk Tv All Rights Reserved Designed And Developed By AVESTA GROUP