بەپێی چەند هەواڵێک کەوا رۆژنامەکانى ئەوروپا بڵاویانکردۆتەوە، ئەوا ئێریک
تێن هاگ، بۆ وەرزى داهاتووش لە ئەرکى راهێنەرایەتیکردنى یانەى مانچێستەر یونایتد
بەردەوام دەبێت، چەند رۆژنامەیەکى ئەوروپا و هەوەرها چەند رۆژنامەیەکى نزیک لە
یانە ئینگلیزیەکە بڵاویانکردۆتەوە: لە دوایین کۆبونەوەى نێوان خاوەن پشکەکانى
یانەى مانچێستەر یونایتد، بریاردراوە کەوا راهێنەرە تەمەن 54 ساڵانەکە، لە ئەرکى
مەشقدانەوەى یانەکە بەردەوام بێت، هەروەها چەند رۆژنامەیەکیش ئەوەیان ئاشکراکردوە:
سەرجەم گفتوگۆکان کۆتاییان هاتوە و راهێنەرە هۆڵەندیەکە لەگەڵ شەیتانە سورەکان
بەردەوام دەبێت، وە لەم هەفتەیەشدا، یاخود لە سەرەتاى هەفتەى داهاتوودا، گفتوگۆکان
بۆ گرێبەستە نوێیەکەى تێن هاگ ئەنجام دەدرێت.
Copyright © 2020 Kirkuk Tv All Rights Reserved Designed And Developed By AVESTA GROUP