عیراق ده‌ست به‌دابه‌شكردنی موچه‌ی مانگی حوزه‌یران دەکات

وه‌زاره‌تی دارایی و ئابوری عێراق رایگه‌یاند، له‌‌مڕۆوه‌ ده‌ست به‌دابه‌شكردنی موچه‌ی مانگی (حوزه‌یران)ی فه‌رمانبه‌رانی عێراق ده‌كه‌ن و بۆ ئه‌و مه‌به‌سته‌ش پاره‌ی پێویست ره‌وانه‌ی بانكه‌كان ده‌كرێت.
وه‌زاره‌تی دارایی و ئابوری له‌ڕاگه‌یه‌ندراوێكدا بڵاویكرده‌وه‌، لەسبەینێ یەکشەممەوه‌ بەشی ژمێریاری لەوەزارەتی دارایی دەست بەڕێکارەکانی دابینکردنی دارایی موچەی فەرمانبەرانی دەوڵەت و ئەندامانی هێزە ئەمنییەکان دەکات و به‌پێی خشته‌ی دیاریكراویش، موچه‌كانیان دابه‌شده‌كرێت.
به‌گوێره‌ی زانیاریه‌كان، تاوه‌كو ئێستا لیستی موچه‌ی مانگی (حوزه‌یران)ی موچه‌خۆرانی هه‌رێم له‌لایه‌ن وه‌زاره‌ت و دام و ده‌زگاكانی حكومه‌تی هه‌رێمه‌وه‌ به‌ته‌واوی ئامادەنه‌كراوەو بڕیاره‌ له‌ناوه‌ڕاستی ئه‌م هه‌فته‌یه‌دا لیسته‌كان ئاماده‌بكرێن و ره‌وانه‌ی به‌غدا بكرێن، دوای وردبینیكردن، بڕیار له‌سه‌ر ناردنی ‌ ده‌درێت.